Revoltohet aktori: Kryetar bashkie mund të bëhesh sa herë të duash, por njeri nuk bëhesh kurrë!

Aktori i njohur i humorit, Julian Deda, ka shpërndarë një video në rrjetet sociale ku shihen disa policë të policisë bashkiake të cilët i sekuestrojnë një thes me bidona një qytetari që me to siguronte bukën e gojës.

Aktori shkruan i revoltuar se çerrat e Lali Erit sapo kapën një “kriminel” pasi kishte kryer “krimin” e rëndë atë të mbledhjes së shisheve bosh.

Postimi i plotë

E dhimbshme. Çerrat e Lali Erit sapo kapen nje “kriminel” tjeter. Ky person kishte kryer “krimin” e rende te mbledhjes se shisheve boshe per t’i shitur sa per te siguruar buken e gojes. Mbase ky ishte edhe gabimi i ketij njeriu te pambrojtur, mbase duhet t’i shiste per tjeter arsye, si p.sh. per te blere dekoder per te pare surratin e Erit 24 ore ne TV. Edhe diçka Erion, kryetar bashkie mund te behesh sa here te duash por njeri nuk behesh kurre…!