Opozita, nesër protestë për dorëheqjen e ministrit Xhafaj

Opozita do të protestojë nesër para Ministrisë së Brendshme për të kërkuar dorëheqjen e ministrit Fatmir Xhafaj. Kreu i Partisë Demokratike Lulzim Basha zhvilloi një takim me aleatët ku u vendos se do të nisin protestat.

Mësohet se për të enjten është parashikuar prej opozitës të mos ketë një seancë normale parlamentare.

Më herët, në një dalje për mediat, Basha kërkoi dorëheqjen e ministrit të Brendshëm Fatmir Xhafaj dhe tha se ai duhet të dalë para ligjit bashkë me të vëllain.

15 maj 2018 (gazeta-Shqip.com)