Prokuroria nis hetimet për vëllain e Fatmir Xhafës

Prokuroria e Përgjithshme ka nisur hetimet për vëllain e ministrit të Brendshëm, Fatmir Xhafaj, Agron Xhafaj.

Hetimi për Agron Xhafën kanë nisur në kuadër të ligjit Anti-Mafia.

Hetimet për Xhafajn do përfshijnë dhe verifikimin e familjarëve të tjerë përfshirë dhe ministrin Xhafaj.

Lajmi është konfirmuar për Fax News nga Prokuroria e Përgjithshme.

Burimet thonë se Prokuroria ka deklaruar se është e vëmendshme ndaj akuzave të bëra në drejtim të Agron Xhafaj gjatë ditëve të fundit nga PD.

Pasuria e Agron Xhafës do verifikohet në bazë të ligjit anti-mafia.

Partia Demokratike ka akuzuar prej ditësh kryeprokuroren Arta Marku si të pafuqishme për të hetuar vëllain e ministrit, për shkak të lidhjeve që PD pretendon se organi i akuzës ka me qeverinë.

Partia Demokratike ka publikuar prej 3 ditësh dokumentet e dënimit të Xhafajt në Itali.

(F.G/Faxweb.al)