Lali Eri kërcënon gazetaren Ornela Liperi me vendin e punës

Nisma #Thurje

Pasi nuk ka asnjë argument për lejet e ndërtimit, për cmimin e ujit, për taksat e rritura, për qytetin që është kthyer në i pajetueshëm për shkak të trafikut dhe mbipopullimit, për rrugët që janë kthyer në një tmerr, për shkollat pa ngrohje, për cerdhet e rrënuara menjëherë pas ndërtimit, lali Eri kërcënon gazetaren Ornela Liperi duke i zënë në gojë vendin e punës.

Natyrisht, ai ka një histori me gazetarë që i heq nga puna. Mjafton të kujtojmë historinë e landfillit të Sharrës dhe Ardit Gjoklajt që hëngri kokën e dy gazetarëve që donin ta investigonin. Prandaj i duhet kujtuar që kjo është një vijë e kuqe. Gazetarët duhet ta kuptojnë dhe të reagojnë! Në të kundërt, shumë shpejt nuk do të jenë më gazetarë, por punonjës bashkie.