Policia nuk lejon protestë para Parlamentit, qytetarët nuk tërhiqen: Nesër ora 10.00 kundër papunësi

Kryetarja e Shoqatës për Mbrojtjen e të Larguarve nga Administrata, Nertila Ismailgeci, ka reaguar lidhur me protestën e paralajmëruar për t’u mbajtur ditën e nesërme para Kuvendit të Shqipërisë. Nëpërmjet një postimi në rrjetet sociale, Ismailgeci, shprehet se, policia nuk ka pranuar që të lejojë protestën e nesërme dhe është shprehur se ajo mund të zhvillohet një ditë tjetër. Përkundrejt kësaj Ismailgeci shprehet se, protesta do të mbahet pavarësisht pse nuk u dha leje nga policia. “Diktatura është instaluar miqtë e mi.Sapo njoftohem nga Drejtoria e Policisë se nuk mund te zhvillojmë protestën nesër pasi shkembyem nja 3 shkresa per plotesim 1.kush do flasë?sa do jetë numri i pjesmarësve?3.personi përgjegjës…. Shkresa që për 5 vjet i kam çuar rregullisht në Drejtorinë e Policisë.Mbas nje sorollatje pafund doli problemi se nuk mund te protestojme nesër por një dite tjeter ,debat jo sqarues.Pra çorganizohuni o të organizuar. A do te terhiqemi??????Jooooooooo Neser ora 10 perpara parlamentit Varferi Papunesi”, shkruan Ismailgeci.