PD ka depozituar në Kuvend një kërkesë për mocion me debat lidhur me çështjen e votës së Shqipërisë

Partia Demokratike ka depozituar në Kuvend një kërkesë për mocion me debat lidhur me çështjen e votës së Shqipërisë kundër qëndrimit të SHBA-ve për Jerusalemin në Asamblenë e OKB-së.

PD kërkon që të rishikohet vota e datës 21 dhjetor 2017, ku vendi ynë mbështeti rezolutën, që shkonte kundër linjës së presidentit Donald Trump për Jerusalemin.

Por, opozita e përjashtoi këtë të fundit, duke e quajtur një proces të vonuar dhe që nuk është trajtuar në kohën e duhur. Opozita ka përgatitur një projekt rezolutë për ta votuar në Kuvend e për të ndryshuar votën e Shqipërisë në Asamblenë e OKB-së për Jeruzalemin e për t’u bashkuar me vendet që dolën në krah të Shteteve të Bashkuara të Amerikës.

“Nuk duam ta diskutojmë më këtë çështje. Ne kemi një qëndrim tashmë politik për votën e Shqipërisë kundër Shteteve të Bashkuara në OKB”, deklaroi deputeti i PD-së, Edi Paloka.

“Jemi të shqetësuar nga vota pro ‘Për statusin e Jerusalemit’”, argumenton PD.

Në kërkesën e Partisë Demokratike nënvizohet se Kuvendi duhet të informohet brenda një muaji për çështjen në fjalë.

REZOLUTA

Kuvendi i Republikës së Shqipërisë

Duke synuar ruajtjen e paqes dhe stabilitetit ne Lindjen e Mesme dhe ne Bote.

Duke qene te vetedijshem per rolin e pa zevendesueshem qe ShBA luajne e do te luajne per tejkalimin e konflikteve, bashkekzistencen dhe vendosjen e demokracise ne ate Rajon.

Duke pasur nje besim te pa tundur te pozicionimi amerikan ne mbrojtje te vlerave, lirise e parimeve universale.

Duke konsideruar ShBA si partneri kryesor gjeo strategjik i vendit tone, Kosoves se lire, shqiptareve ne Maqedoni, Mal te Zi, Serbi e kudo ku jane.

Duke provuar konkretisht kete rol te padiskutueshem amerikan si faktori kryesor i arritjeve madhore jo vetem per kombit tone, por edhe per te gjithe Rajonin tone.

Duke shprehur miqësinë ndaj Shtetit të Izraelit, një vend mik dhe demokratik në Lindjen e Mesme

Duke shprehur miqësinë ndaj popullit palestinez e duke përkrahur të drejtën e tij për të patur një shtet të qendrueshëm përmes negociatave e marreveshjes.

Duke mbështetur pa rezerva procesin e paqes përmes negociatave mes Izraelit dhe Autoritetit Palestinez, bazuar në vizionin e dy shteteve fqinjë e në paqe me njeri-tjetri e me vendet e rajonit.

Duke apeluar OKB, ShBA , BE dhe të gjithë aktorët ndërkombëtarë që të angazhohen në procesin e paqes në menyrë aktive e konstruktive ne Lindjen e Mesme.

Duke konstatuar se disa komunikata e rezoluta të miratuara në dhjetor 2017 për këtë çështje janë të njëanshme, jokonstruktive, me gjuhe të papërshatshme dhe nuk i shërbejnë procesit të paqes e gjetjes së një marrveshjeje mes palëve.

Duke qene te shqetesuar nga miratimi nga ana e qeverisë shqiptare i komunikates finale dhe deklarates së samitit të Organizatës së Bashkëpunimit Islamik te mbledhur në Stamboll më 13 dhjetor 2017, e cila permban veprime të njëanshme lidhur me statusin e Jeruzalemit, sulme të padrejta e të padobishme ndaj ShBA, si dhe përjashtimin e tyre nga procesi i paqes në Lindjen e Mesme.

Duke qenë të shqetësuar nga vota pro e qeverisë shqiptare për rezolutën “Per statusin e Jeruzalemit” te miratuar më 21 dhjetor 2017 në Asamblenë e Pérgjithshme te OKB, përmbajtja e së cilës nuk ndihmon në procesin e paqes dhe i kundervihet qendrimit te nje vendi sovran, thelbesor per zgjidhjen e problemeve aty, ShBA-se.

Duke gjykuar se miratimi nga ana jone e ketyre rezolutave, qe godasin vendimin e ShBA eshte edhe nje akt flagrant ne kundershtim me interesat tona kombetare.

Duke shprehur keqardhje që këto veprime të qeverisë u bene pa informuar Kuvendin e pa u konsultuar me Komisionin të Punëve të Jashtëme, si dhe duke perjashtuar Presidentin e Republikës nga procesi konsultativ-vendimmmarrës.

I kërkon qeverisë:

Të distancohet zyrtarisht e publikisht nga Komunikatat Finale e Deklarata e Samitit të Organizatës së Bashkëpunimit Islamik më 13 dhjetor 2017

Të rishikojë votën për rezolutën “Per statusin e Jeruzalemit” te dates 21 dhjetor 2017 te Asamblesë se Pérgjithshme te OKB e në perputhje me rregullat e OKB të deklarojë një qendrim jo miratues ndaj kesaj rezolute.

Të informojë brenda një muaji Kuvendin lidhur me sa më lart.

29 janar 2018 (gazeta-Shqip.com)