Deputeti i PS-së godet me grusht kolegen e tij nga LSI

Në Kuvendin e Shqipërisë, shqiptarët panë sot një përplasje nga më të ashprat në këto 27 vite demokraci, teksa opozita bëri gjithçka për të penguar votimin në shkelje të Kushtetutës për zgjedhjen e një Kryeprokurori politik nga Edi Rama. Në momentet e kaosit dhe tensionit në sallën e Kuvendit nuk kanë munguar as fyerjet, shtyrjet dhe grushtet.

Në një foto të bërë nga brenda sallës së Kuvendit në momentin e votimit për Arta Markun, duket qartë deputeti i PS-së Bujar Çela që qëllon me grusht deputeten e LSI-së, Kejdi Mehmetaj. Mësohet se Mehmetaj i kishte marrë deputetit socialist kartën e votimit, por pavarësisht se kishte një vajzë përpara Çela nuk e kurseu grushtin duke treguar fytyrën e vërtetë të mazhorancës.